Saturday, December 1, 2007

مسبحة الرئيس

السلام عليكم
أعتذر عن الـتأخر فى الكتابة
و لكن غصب عن الواحد . مكنتش فاضى الفترة اللى فاتت
برجع من الشغل خلصان يدوب مش بلحق اعمل اى حاجة و خصوصا الجلوس قدام الكمبيوتر
فاسمحونى
و اتمنى ان ما انقطعش تانى فى الكتابة لأن فعلا ببقى سعيد و انا بكتب و بحس براحة نفسية
دى قصيدة سمعتها و عجبتنى . جميلة
شعور داخلى الواحد بيحسه داخل كتير من بل كل المصريين انهم خلاص زهقه من الريس بتاعنا و من الحياة اللى احنا عايشينها و الظلم و الفساد اللى مالى البلد
تصدقوا حتى الاطفال الصغيرين . كنت قاعد مع مدرس لغة عربية . فا بيقولى حتى الاولاد الشعور دا عندهم
ربنا يصلح الحال و ييسر لنا الامور
و اليكم
مسبحة الرئيس
للشاعر / عبد الرحمن يوسف
فى ليلة من حالك الليلات
صليت ثم نمت فى سبات
وجدت سبحة الرئيس فى يدى
قررت ذكر الله
امسكت بالحبات . و جدتنى اقول
ذاتى ثم ذاتى ثم ذاتى
و بعدها كررت وردا اخرا فقلتها . لذاتى
كررتها الفا من المرات
ثم انتبهت فجأة
و قلت ذاك حلم ليل سيئ ما أقبحه
هل يملك الرئيس أصلا مسبحة

4 comments:

أحمد السباعـي said...

هاهاهاه
أبيات ظريفة جدا

هل الرئيس بيسبح على ايده أصلا


يلا شد حيلك يا جميل
وماتقطعشي تاني زيي

جزاك الله خيرا
على هذه التدوينة

القران حياه said...

السلام عليكم حبيب قلبي
أخبارك ايه طمني عليك
على رأي السباعي هو الرئيس فعلا بيسبح على ايده أصلا لما يمسك مسبحة
بس خير
ربنا يكرمك ويوفقك
لا تنسانا في الدعاء

FadFadA said...

حماده
حمد الله عالسلامة
و بعدين انت كل مدونة تقعد تعتذر عن التأخير ؟ مش اسمه كلام
بس عارف , لو مش عاوز تكتب إياك تكتب و لو عاوز.. اكتب على طول , و لو جت الكتابة متأخرة ماتعتذرش , فهي اللي جت متأخرة و انت ملاكش ذنب
و لا إيه رأيك يا حبيبي ؟

على فكرة انت اسنتيك في الميعاد اللي ادتهولي و انت ماجيتش
و إياك تعتذر

محمد

وائل_صح ولا غلط_ said...

ايه سوء الظن بتاعك ده

استغفر الله

ازاي تقول علي الريس بتاعك وبتاعنا كده

ده ياراجل حتي بيصلي بس بيصلي علي النبي

وبيصوم بس بيصوم عن الحلال

وبيزكي بس بيزكي عشان المعتقلات بتاعته تبقي علي طول عمرانه
وكمان بيحج كل سنه مره في امريكا

يعني الراجل بيعمل الفروض الخمسه اللي عليه عاوز منه ايه تاني