تعالوا نحلم طب و نحلم بأيه
و نحلم و احنا صاحين و لا احنا نايمين
و نحلم بحاجة كويسة و لا بحاجة مش كويسة
اسئلة كتيرة ممكن تدور فى ذهن اى حد يسمع كلمة - تعالوا نحلم
لكن مدونتى الصغيرة دى جاى اقول فيها ان ممكن حياتنا تكون احسن بأحلامنا البسيطة الجميلة
احلم بحياة افضل فى ظل طاعة ربنا و اتباع سنة نبيه
احلم بجنة عرضها كعرض السماوات و الارض فيها ما لا عين رأت و لا اذن سمعت و لاخطر على قلب بشر
احلم بمستقبل افضل لبيتى و لمجتمعى و لامتى
و الاجمل و الاجمل من كده
انك تقدر تحقق الحلم اللى انت حلمت بيه
- ساعتها هتحس ان الحلم ده له فايدة و مش مجرد حلم و خلاص
كلمات و خواطر و احداث و مواقف مرت على الواحد يجد هنا المتنفس لكى يتكلم لعل احد يسمعه و ينصحه
و مطولش عليكم
و تعالوا نحلم
18 comments:
ألف مبروك المدونة الجميلة دي
ألف مبروك النجاح في الكلية
شد حيلك وورينا ابداعاتك
على فكرة الولد الصغير اللي في الصورة شكله حلو
له والله فعلا .. نعالى نحلم
وةان شاء الله حلمنا يتحقق
الف مبروك استاذى الغالى على البداية التدوينية دى
وان شاء الله حلمك يعلى ويكبر لغاية ما يتحقق
أحمد
يا خبر أبيض عملت مدونة من غير ما تقولي ... ماشي
نجحت و ماقلتليش ... ماشي ماشي
براحتك
على العموم , مبروك على المدونة و ألف مبروك على النجاح , و عقبال العروسة
انا بقالي فترة ما بكتبش أو أعلق على المدونات ( لظروف معينة ) و لكن أول ما شفت الميل بتاعك قلت ما ينفعش لازم أدخل و أعلق
واحشني كتييير و نفسي أشوفك
بالنسبة للأحلام
لو بطلنا نحلم نموت
لو عاندنا نقدر نفوت
لو عدينا مرة خلاص
لو هدينا ضاع الخلاص
حبة صبر حية حماس
يبقى الحلم صورة و صوت
بس المهم
قبل ما تحلم فوق
احلم و انت فايق
قبل ما تطلع فوق
انزل للحقايق
جايز حلم في غمضة عين
عايز يتحقق في سنين
و جايز يبقى الحلم اتنين
و تحققهم قبل دقايق
محمد
ألف مبروك على المدونة
وجعلها الله في ميزان حسناتك
فعلا ياأحمد لازم نحلم ونحلم ونحلم
نحلم وقلوبنا مليانة بالأمل
نحلم واحنا عندنا ثقة في ربنا
لازم نحلم لأن بكره بأيدينا بأذن الله هيكون أحسن
حمدى ... جزاك الله خيرا يا حبيبى على تعليقك ده
و ربنا ان شاء الله يوفقك فى حياتك و يرزقك النجاح سواء فى الشغل او الدراسة
اما بالنسبة لأبداعاتى فهى كتير انت عارف . هههههههه
و ربنا ييسر لك الحال
اسلام ... جزاك الله خيرا على مشاركتك
و قولتك كتير بطل كلمة استاذى دى
يا بنى احنا كنا مع بعض فى الكلية و الفرق بنا سنتين مش كتير يعنى
و دعواتك
و تعالوا نحلم
فضفضة .. استاذ محمد
مش عارف اقولك ايه و الله ربنا يكرمك بتحرجنى بكرم اخلاقك
اه صحيح انا نجحت - شوفت قولتلك ازاى
اما بالنسبة للعروسة فشكلى هاخدك قدوتى فى الموضوع ده
و عايز اعرف ايه الظروف المعينة دى اللى مش بتخليك تكتب
انا كمان و الله نفسى اشوفك ووحشتنى
و حلو اوى
قبل ما تحلم فوق .. احلم و انت فايق .........
حاجات مهمة قبل ما الواحد يبدأ يحلم
تعالوا نحلم
قطب ... صديقى
جزاك الله خيرا على تعليقك
الامل و الثقة فى ربنا حاجات مهمة عشان الواحد يقدر يحقق حلمه
و انا واثق برده ان بكرة هايكون أحسن رغم كل الظروف الصعبة المحيطة حوالينا
سلاااام يا صديقى
تعالوا نحلم
حبيبي الجميل أحمد
ألف ألف ألف مبروووووك على المدونة
وبداية موفقة إن شاء الله
والله ودخلت عالم التدوين يا أبو الشوق
مبروووك مرة تانية يا جميل
وألف مبرووووك على النجاح
ياحبي
حماده حبيبي
الف مبروك يا باشا علي المدونه
عقبال العروسه يا عم
يلا منتظرين اولي ابداعاتك واحلامك
خد العنوان ده من عندي احلام ضائعه
ايه رايك
عشان البدايه كده تبقي كئيب .....هاهاها
الف مبروك على البلوج الجديد
منظرين احلام جديدة على طول
ربنا يجعلها في ميزان حسناتك
سباعى ... حبيبى
جزاك الله خيرا يا باشا على تعليقك
بالنسبة لعالم التدوين فأنا بتعلم منك يا أحمد حتى بعد ما خلصنا دراسة و هفضل على طول اتعلم منك
و بالنسبة للنجاح ففى ناس ليهم فضل فى النجاح ده بعد ربنا اكيد السباعى واحد منهم
سلام يا عسل
وائل ... جزاك الله خيرا يا باشا
عروسة مين لا يا بابا لا
ابداعاتى انت عارف ان هى كتير ما تقلقش ... هههههه
احلام ضائعة مش عارف بس صباح الكئابة
يلا سلام
دعواتك
يحيى .. الطويل
جزاك الله خيرا
و عقبالك
و نسأل الله القبول
الف مبروك يا احمد على المدونة و الف مبروك على النجاح
ارجو اثراء المدونة بكل ما هو نافع و مفيد
محمد
ابو رويدا ... أخى الكبير
جزاكم الله خيرا يا باشا على تعليفك ده
تأكد انه فرق معايا كتير
ادعلنا كده ان احنا نقدر نفيد الناس بهذه المدونة و تكون فى ميزان حسانتنا
و عقبال مدونتك
سلاااااااام
يااااااااااه يا ابو السنوس
اخيرا
على العموم الف مبروك على الخطوة الجميلة دي
واكيد في احلام كتير جدا الواحد لازم يحلم بيها
لازم نحلم بالجنينة بتاعتنا
والأوبشن
والتزاؤب
والضغط والتمارين
وياريت نحقق الحاجات دي تاني
هههههههههههه
والف الف مبروك
عمر صديقى .... جزاك الله خيرا يا حبيبى
الله يبارك فيك
فكرتنى بايام زمان . ايام جميلة ياريت ترجع تانى
بس ان شاء الله نحاول نرجعها تانى
مع انى خايف يكون صعب
يااااااااااااه فكرتنى بالضغط و التمارين على فكرة انت بتعمل ضغط كويس حاول تكمل
وادعيلى
سلاااااااااااام
Post a Comment