حصل موقف خلال اليومين اللى فاتوا دول مش عارف اقول عليه ايه . لكن موقف أسر فيا جدا و مش عارف اعمل ايه و انا جاى اقول و احكى عشان اللى يقدر يفدنى او ينصحنى يبقى جزاه الله خير
كان يوم الاربعاء بعد صلاة الظهر انا مكنتش موجود بس اتحكالى
بيبقى عندنا فى المسجد اللى جنبى فى تحفيظ قران للاولاد الصغيرين _ موقف بيبقى بالنسبة ليا تحفة تلاقى الولد شايل جزء عم و داخل المسجد وواقف بيصلى و حريص على انه جاى حافظ و عايز يسمع و سعيد انه قاعد فى المسجد لما بشوفهم بحس ان لسه فى امل و لسه فى خير و احيانا لما بقعد معاهم ببقى سعيد جدا و تحس كده اد ايه هما طبيبين و مش بيكدبوا و الواحد طول ما هو قاعد بيتوسم فيهم الخير مستقبلا
ايه اللى حصل يوم الاربعاء اللى فات كان اخ لوحده هو اللى بيحفظهم و اخ فاضل . و جه واحد من امن الدولة متعجب اوى ان فى تحفيظ قران و بيسأل الاخ هل هو معاه تصريح و لا لأ
الاخ طبعا مش معاه تصريح لكن قاله انه هو مدرس لغة عربية و خاتم القران عادى يعنى الطبيعى انه يحفظ قران
لكن فعل الراجل بتاع امن الدولة انه اخد بيانات الاخ و قاله ما تحفظش الاولاد تانى و طبعا الاخ مش فى ايده حاجة قاله طيب
انا مش خايف على الاخ عادى الراجل ده اعتقل اكتر من مرة و معروف هناك
انما اللى مزعلنى و مضايقنى جدا و مش عارف اعمل ايه هما الاولاد دول يا ترى ها يعملوا ايه بعد ما المسجد اتقفل هايروحوا فين
اكيد اكيد هايبقوا فى الشارع بعد ما كان قاعد فى المسجد و بيحفظ قران و بيسمع حديث و لا موقف لصحابى يتعلم منه و هما حتى مرتبطين بالشارع اللى هما ساكنين فيه و لو قلتلهم نروح نحفظ فى مسجد تانى ممكن ما يرضوش او نفقد عدد كبير منهم
مش لاقى كلمة اقولها بعد ما سمعت الموقف ده غير :
حسبنا الله و نعم الوكيل
و السؤال اللى بيطرح نفسه و مش لاقيله اجابة :
هى الحكومة عايزة مننا ايه ؟؟؟؟؟؟
فضفضوا معايا لحسن الواحد حاسس انه ها يتخنق
كان يوم الاربعاء بعد صلاة الظهر انا مكنتش موجود بس اتحكالى
بيبقى عندنا فى المسجد اللى جنبى فى تحفيظ قران للاولاد الصغيرين _ موقف بيبقى بالنسبة ليا تحفة تلاقى الولد شايل جزء عم و داخل المسجد وواقف بيصلى و حريص على انه جاى حافظ و عايز يسمع و سعيد انه قاعد فى المسجد لما بشوفهم بحس ان لسه فى امل و لسه فى خير و احيانا لما بقعد معاهم ببقى سعيد جدا و تحس كده اد ايه هما طبيبين و مش بيكدبوا و الواحد طول ما هو قاعد بيتوسم فيهم الخير مستقبلا
ايه اللى حصل يوم الاربعاء اللى فات كان اخ لوحده هو اللى بيحفظهم و اخ فاضل . و جه واحد من امن الدولة متعجب اوى ان فى تحفيظ قران و بيسأل الاخ هل هو معاه تصريح و لا لأ
الاخ طبعا مش معاه تصريح لكن قاله انه هو مدرس لغة عربية و خاتم القران عادى يعنى الطبيعى انه يحفظ قران
لكن فعل الراجل بتاع امن الدولة انه اخد بيانات الاخ و قاله ما تحفظش الاولاد تانى و طبعا الاخ مش فى ايده حاجة قاله طيب
انا مش خايف على الاخ عادى الراجل ده اعتقل اكتر من مرة و معروف هناك
انما اللى مزعلنى و مضايقنى جدا و مش عارف اعمل ايه هما الاولاد دول يا ترى ها يعملوا ايه بعد ما المسجد اتقفل هايروحوا فين
اكيد اكيد هايبقوا فى الشارع بعد ما كان قاعد فى المسجد و بيحفظ قران و بيسمع حديث و لا موقف لصحابى يتعلم منه و هما حتى مرتبطين بالشارع اللى هما ساكنين فيه و لو قلتلهم نروح نحفظ فى مسجد تانى ممكن ما يرضوش او نفقد عدد كبير منهم
مش لاقى كلمة اقولها بعد ما سمعت الموقف ده غير :
حسبنا الله و نعم الوكيل
و السؤال اللى بيطرح نفسه و مش لاقيله اجابة :
هى الحكومة عايزة مننا ايه ؟؟؟؟؟؟
فضفضوا معايا لحسن الواحد حاسس انه ها يتخنق
28 comments:
حبيبي أحمد .. جزاك الله خيرا على رصد هذا الموقف ولكن فى الحقيقة ما يريدونه هون طمس هوية الأمة القرآنية لأنهم علموا أن الحل فى العودة لكتاب الله ذلك النبع الصافى الأصيل , منه يبدأ الإصلاح !!!!! وهم حبيبي لا يريدون الإصلاح إذا تكوَن جيل جديد يحمل القرآن فسوف يكتب لهم الفناء وهم يظنون أن لهم البقاء.... والله غالب على أمره...
الذين قال لهم الناس إن الناس قد جمعوا لكم فاخشوهم فزادهم إيمانا وقالو حسبنا الله ونعم الوكيل.
والله الموقف اللي بتحكيه ده فكرني بحاجة حصلت قول يجي من 15 سنة... وان كان اخوك هو ادق مني في حفظ التواريخ.. بس ما علينا اخوانا البعدا قفلوا مسجد "عباد الرحمن" وده المسجد اللي بيجمع الطالبية كلها والناس اتضايقت وحسوا ان خلاص الاشبال هيضيعوا والشغل مفيش.. لكن ربنا فتح علينا بدل المسجد باكثر من 4 في اماكن مختلفة وربنا كرمنا وانتشرنا.. انت راجل بتاع تسويق يا حماده دايما شوف النص المليان لو بصيت ع الفاضي هتفضل مكانك.. وبالنسبة للأولاد خلوا في تواصل معاهم ومع أهلهم ولازم أهلهم يعرفوا مين اللي قفل المسجد.. الإٍسلام وهم البلد مش مشكلتنا لوحدنا لازم الناس تفهم وتعرف عشان تقف معاك وتشوف زيك.. وربنا هو المعين.
معلش اصلي نسيت موقف برده حصل ممكن يقرب اللي باقوله: من حوالي سنتين تلاته الحكومة متمثلة في وزارة الاوقاف منعت اقامة الصلاة في الميكروفون معرفش من باب ايه بس اكيد عشان الصوت العالي (حكومة بتحبنا وبتخاف على ودانا) ما علينا وساعتها كنت نازل اصلي المغرب وسمعت حوار صغير اوي بين اتنين ستات ساكنين قصاد الجامع.. واحدة بتقول هم خلاص بدأوا صلاة ولا سمعت الاقامة.. التانية: ما هم خلاص مفيش اقامة في الميكروفون.. الأولى منهم لله الواد كان بيقوم يصلي على طول لما يسمع الاقامة... وبعد كده الاتنين اشتركوا في واصل دعاء على الحكومة من اللي قلبك يحبها.. انا بصراحة حسيت ان ده كفايه ان الاتنين دول بس بيدعوا على اللي كان السبب.. وربنا يتقبل
انته راجل خبير بحركات العيال بتاعة الأمن دي وده شئ عادي جدا في بلد زي مصر يحكمها العسكر
المهم ان الحاجات دي ما تخليش الواحد يغير طريقه بل بالعكس تخليه يبتكر طرق جديدة ومميزة للدعوة الى الله
استاذ وليد .. جزاك الله خيرا على ردك و مشاركتك
مش عارف اقول ايه
بس كل اللى اقدر اقوله انه باذن الله عزوجل و بالصبر و العمل سيتكون هذا الجيل الذى تتحدث عنه و يكتب لهؤلاء الظالمون الفناء و يعود الحق لأصحابه و لو بعد حين
و الله غالب على امره
جزاك الله خيرا مرة تانية
و انى احبك فى الله
انا مثلك حزنت جدا على اللى حصل فى المسجد وانا واحدة من الناس اللى كنت بحفظ هناك للبنات وعندما عرفت بما جرى احسست بشعور ان هذا التضيق وراءه خير كبير جدا نحن لا نعلمه الان ولكن سنراه يوما ما . اما الحكومة فهى لا تريد جيل عابد قرانى ولكن تريده لايعرف ربه اصلا ولكن هذا يجعلنا نعمل اكثر وننتشر اكثر من الاول ونعاند الطغاة لما فيه اعلاء للقران ورايته .ولكنى جلست مع نفسى كثيرا وقلت لها انتى السبب فى ذلك اكيد تقصرين فى شىء وردت على نعم فارجو منك ومن كل من يقرا هذا التعليق ان ينظر الى نفسه اولا اكيدهيلاقى ذنوب وتقصير كبير هو الذى جعل الفساد والظلم ينتشر من حولنا ولكن دائما لا اقول سوى ان يوما سياتى على امة محمد نجد فيها الجيل الذى ننتظره باذن الله .
معلش نسيت اقولك حاجة انا فعلا مش عارفة قلوب هذه الناس ايه انهم ليسوا بقلوب فهى فعلا حجارة لن تلين ابدا الا من رحم ربى .انا بحس وانا جالسة مع الاطفال بشعور غريب جدا احساس بان هذا العمل هو افضل ما فى الدنيا ودائما ادعى الله ان يجعل لذة الحياة عندى فى املى دائما ان ارسم البسمة على شفاه الاطفال .ولكن فى النهاية انا حسة انهم لن يذوقوا احلى ما انا اذوقه من دعوة ام واب لمربى يتقى الله فى اولادهم فانا حزينة عليهم .
أحمد
آسف يا حبيبي على الفترة السابقة و عدم تعليقي على تدويناتك , ظروف
الموقف اللي انت حاكيته بقى عادي جدا
يعني بيتكرر كل شوية , علشان كده لازم نفكر تفكير عملي و نوجد بديل
ملحوظة صغيرة جدا : أثر بالثاء مش بالسين
:)
نفسي أشوفك قريب
مستنيك
محمد
جزاك الله خيرا ياحبي
على نقل الموقف ده علشان الدنيا كلها
تعرف أزاي إن في ناس بتبني وفي ناس تانية عمالة تهدم
وإن حالنا مش هينصلح والظلم لن يرفع إلا إذا وقف الكل أمام الظلمة
بس ياأحمد كمان مفروض ده ميقصرش علينا
لأن العقبات دي بتأكدلنا إننا في الطريق الصح
وكمان بنتعلم منها إزاي نكون أقوى منها ونفكرونتغلب عليها
ابوجنة ..
واضح ان المواقف عندك كتير
عباد الرحمن فكرتنى بايام زمان بس ملحقتش اقعد فى كتير
حصل فعلا و حاولنا نوضح لناس ليه التحفيظ اتقفل و الناس ردود فعلها مختلفة
و الله المستعان و ربنا يفتح طرق و سكك تانية مش شرط المسجد فى اماكن تانية ممكن نقابل فيها الشباب و نحاول نأثر فيهم
و حزاك الله خيرا
اختى العزيزة... مشكورة على تعلقك
عندك حق فى موضوع التقصير . بس فعلا ممكن نكون احنا السبب
اتمنى ان يكون لأ و ربنا يهدينا و ييسرلنا الامور و يشرح صدورنا
و شدى حيلك مع الاطفال مجال جميل و ثواب كبير
حمدى .. انا عارف و الله الحركات دى بس الواحد بتيجى عليه ساعات يبقى مخنوق و خلاص مش قادر
فعلا احنا عايزين ابتكارات و اساليب مختلفة نوصل بيها للناس . و ربنا يعنا و يتقبل منا
فضفضة .. انت فين
عايز اشوفك و اعرف الظروف اللى انت بتمر بيها
معلش اصلى مش قوى فى اللغة العربية بس ملحوظة ظريفة أثر . اسر . تصدق الاولى احسن عندك حق
:)
هاكلمك قريبا
قطب ..
جزاك الله خيرا
و دعواتك لينا بالهداية و صلاح الامور
و ربنا يرفع عنا الظلم
لان الظلم ده شعور صعب اوى
اللهم عليك بالظالمين
جزاك الله خيرا علي نقل الموضوع
يقول الدكتور عائض القرني في كتابه الشهير لاتحزن تحت بند اصنع من الليمون شرابا حلوا
طرد الرسول صلى الله عليه وسلم من مكة فأقام في المدينة ، دولة ملأت سمع التاريخ وبصره.
سجن أحمد بن حنبل وجلد ، فصار إمام السنة ، وحبس ابن تيمية فأخرج من حبسه علما جما ، ووضع السرخسي في قعر بئر معطلة فأخرج عشرين مجلدا في الفقه ، وأقعد ابن الأثير فصتف جامع الأصول والنهاية من أشهر وأنفع كتب الحديث ، ونفي ابن الجوزي من بغداد ، فجود القراءات السبع ، وأصابت حمى الموت مالك بن الريب فأرسل للعالمين قصيدته الرائعة الذائعة التي تعدل دواوين شعراء الدولة العباسية ، ومات أبناء أبي ذوئيب الهذلي فرثاهم بإلياذة أنصت لها الدهر ، وذهل منها الجمهور ، وصفق لها التاريخ.
إذا داهمتك داهية فانظر في الجانب المشرق منها ، وإذا ناولك أحدهم كوب ليمون فأضف إليه حفنة من سكر ، وإذا أهدى لك ثعبانا فخذ جلده الثمين واترك باقيه ، وإذا لدغتك عقرب فاعلم أنه مصل واقي ومناعة حصينة ضد سم الحيات. تكيف في ظرفك القاسي ، لتخرج لنا منه زهرا ووردا وياسمينا { وعسى ان تكرهوا شيئا وهو خير لكم } سجنت فرنسا قبل ثورتها العارمة شاعرين مجيدين متفائلا ومتشائما فأخرجا رأسيهما من نافذة السجن. فأما المتفائل فنظر نظرة في النجوم فضحك. وأما المتشائم فنظر إلى الطين في الشارع المجاور فبكى. انظر إلى الوجه الاخر للمأساة ، لأن الشر المحض ليس موجودا بل هناك خير ومكسب وفتح واجر .
السلام عليكم
وائل صح و لا غلط
ما احلى كلامك استمتعت و انا اقرأه و كأن لم تكن هناك ازمة و لا مشكلة
جزاك الله خيرا على كلامك هذا الذى يبعث الامل فى النفوس
اخى احمد اعلم جيدا ان هذه دعوة الله و دينه و منهاجه هو فادر على ان يحفظه و يحميه و ينصره و قادر ايضا على قسم الظالمين و الانتقام منهم و اعلم انها سنة الكون السنة الابدية الصراع بين الحق و الباطل " و لولا دفع الله الناس بعضهم ببعض " المهم ان نكون فى جانب الحق و عاملين للحق و نعمل لنصرة الحق
ابو جنة حبيبى تعليقك جميل و ايضا لازم تنوه على التاريخ اذكرك بقى بالتاريخ بالضبط بما انى ارشيف الجيل كما تطلقون على - مسجد عباد الرحمن تم ضمه الى الاوقاف فى 21/3/1991 كنا ايامها اشبال فى 2 اعدادى و لكن هذا المسجد شهد مرحلة من عمرنا جميلة جدا فكان بيتنا نجلس فيه اكثر ما نجلس فى بيوتنا و نذاكر فيه و نحفظ فيه و نتسابق ايضا فيه - و احب ان اعلم المشاركين ان هذا المسجد كان فى اسفل العمارة التى يسكن فيها الدكتور عصام العريان فكيف يكون النشاط فيه و العمل فيه فكان خلية نحل فى جميع الاعمال و على فكرة احمد اخى صاحب هذه المدونة دخل معى المسجد و هو فى الرابعة من عمره كان صغيرا و من يوم ان دخل و هو فى كنف الله و رعاية الاحباب اسال الله العظيم ان تكون هذه الايام فى ميزاننا يوم ان نلقاه
ابو جنة فاكر الفائزين بليلة القدر - طبعا انتم نفسكم تعرفوا من هم الفائزين بليلة القدر دول بقى مجموعة من الاخوة صلوا صلاة القيام ليلة 26 رمضان و كعادتهم كل عام بيصلوا و يقعدوا فى المسجد حتى صلاة الفجر حيث ان هذه الليلة فى اغلب الاقاويل انها ليلة القدر المهم طب عليهم اخونا البعدا انتم قاعدين ليه علشان نصلى قاموا اخدوا اسماء كل الناس اللى كانت موجودة و تمت الاستدعاءات الى مكتب امن الدولة بعد ذلك و اطلق عليهم الفائزين بليلة القدر
السلام عليكم
جزاك الله خيرا يا وائل فعلا تعلقيك في محله... بالنسبة للأخ أبو رويدا (الملقب بأرشيف الجيل) متهيأ لي أحمد فاكر كويس يوم الفائزين بليلة القدر :)))))
بالنسبة لموضوع المدونة هانقلكم حاجة بتتعمل هنا في السعودية هنا مفيش حاجة اسمها شغل مساجد على الإطلاق لكن في حاجة اسمها مراكز صيفية وبيكون فيها انشطة كثيرة منها على سبيل المثال أشرطة نداء وحداء دي اللي مسجلها مجموعة أشبال في أحد هذه المراكز.
وده ممكن يخليكم تركزوا شويه في الأندية الموجودة في دائرة السكن بتاعكم وتدورا على ألعاب غير القدم ممكن تشجعوا الأشبال عليها: الكاراتيه- التايكندو- الشطرنج.. انا قصدي نفكر خارج الصندوق ونبعد شويه عن الحلول التقليدية واكيد ربنا هيكرمنا بحلول بسعى نلجأ لربنا ونبدأ نتحرك.
ونفكر احنا عاوزين ايه من الأشبال؟؟ نعملهم القرآن بس اكيد لأ .. لما نحدد اهدافنا هنلاقي انشطة كتير ممكن نعملها وحاولوا تركزوا في انشطة المكتبات اللي بتم في الصيف زي مكتبة مبارك وتكون دي شئ ثابت بتروحوه وتستفيدوا منه.
وائل . جزاك الله خيرا على الكلام الرائع ده
كنت بقول ان انت بقيت شاعر اتاريك طلعت ليك فى كل حاجة تخص الادب و التاريخ الاسلامى و كلام كبير ما كناش بنشوفه ايام الكلية . بس فعلا كلام جميل و فعلا يرفع
للمعناويات
جزاك الله خيرا
ابو رويدا
جزاك الله خيرا
و اللهم اجعلنا فى جانب الحق
و عاملين للحق
و نعمل لنصرة الحق
اااااامين
ابو رويدا و ابو جنة
فكرتونى بالذكريات و الايام الجميلة
:)
انا اول مرة دخلت فيها عباد الرحمن كان عندى فعلا اربع سنين و كان تحفيظ و افتكر كويس انى نمت فى التحفيظ
و بالنسبة ليوم ليلة القدر كان يوم عظيم و انا فاكره كويس و كان الاخوة بعتونى اقف على اول الشارع عشان مخليش
الاخوة اللى جايه تتهجد تيجى
و بعتونى كمان عشان اقول للاخوات تروح من الباب الخلفى كانت هاتبقى مشكلة لو شافه الاخوات كمان
و انا راجع الظابط قالى ما تخرجش من المسجد تانى . فاهم ؟
قلتله طيب
بس ما خدش اسمى عشان كنت لسه صغير
و عمرى ما انسى شكل الراجلين بتوع الاوقاف اللى كانوا جايين يستلموا المسجد و من بعدها لم تطأ قدمى مسجد القدس
الله يسامحكم قلبتوا علينا المواجع
يلا سلااام
السلام عليكم
تاكدان مع كل محنه منحه وانهم مهما حاولوا يقفلوا مساجد هيلئونا فى مساجد تانيه شغالين ان شاء الله و وان المواقف ديه تقويناوربنا ان شاء الله هيحافظ على الاطفال ويبارك فيهم
جزاكى الله خيرا
ان الاوان
و شكرا على مشاركتك و تعليقك
انا متأكد مما تقولين
و ان مع العسر يسرا
ان مع العسر يسرا
و لكن يأتى علينا بعض الاوقات لا نستطيع ان تمالك انفسنا و نريد ان نصرخ باعلى اصواتنا :
كفاية ظلم
ابو حميد
منقدرشى نقول حاجة غير حسبنا الله و نعم الوكيل...
الموقف بتاعك الراجل ده حصل معايا بالظبط فى المنصورة منذ 9 سنوات بالضبظ وموش كده و بس دا راح لوالدى كمان و خوفه من مغبة ما اقوم به و تاثيره على مستقبلى ...يعنى المدرسة اللى بيعلموهم فيها واحدة و البلد موش بتتغير لا بالعكس دى بتسوء اكثر و اكثر ..
لا نملك غير الدعاء و السفر للسودان
هههههههههههه
حسبنا الله و نعم الوكيل
ابو عمر .. جزاك الله خيرا
على تعليقك و مشاركتك
و ربنا يثبتنا و ينصرنا
و ربنا ييسرلك الحال فى سفرك
انت فى السودان
ابقى سلملى على ابو سنوسى لو قابلتله
بسم الله الرحمن الرحيم
الأخوة الأحبة
السلام عليكم ورحمة الله وبركاته
ندعوك لزيارتنا فى منتديات
المصباح المنير
شعارنا الكلمة الطيبةوالثقافة الراقية والفكرة الجادة
والمعلومة الهادفة
http://mmm2000.ahlamontada.com/
تسعدنا وتشرفنا زيارتكم
أخوانكم فى منتديات
المصباح المنير
Post a Comment