حب الناس .. و ما تسألش ليه

هناك بعض المواقف تحدث لى ثم بعد ذلك عند الجلوس مع نفسى و التفكير فيها
اجد اننى لم اكن محقا فى كذا و ما كان ينبغى ان افعل كذا و ماكان ينبغى لى ان اتحدث بهذه الطريقة
و ان هناك افضل من ذلك
و ده زعل فى كذا و دا مكنش يصح اقوله كده كان فى اسلوب احسن
و دا ماكنش قصدى اقول كده بس غصب عنى الموقف خلانى اعمل كده
و دا عصبنى و مقدرتش امسك نفسى و دا ازاى يقول عليا كده . اكيد قصده مش عارف ايه

حاجة بقت تخنق و اتخنقت من نفسى جدا

و اعتقدت اننى لا استطيع التعامل مع البشر و ان فى ناس غريبة انا عايش معاهم و هم مش قادرين يفهمونى

لحد ما جه يوم

و بدأت اقول لنفسى اكيد فى حاجة غلط . لازم تغير من طريقتك و اسلوبك و تفهم الحياة صح و ازاى تقدر تكسب الموقف . اى موقف بيحصلك او بتمر بيه و تستفيد منه و ما تطلعش خسران لأن فى الاخر ما فيش حاجة تستاهل انك تزعل من حد او تخسر حد . و لازم اقبل كل واحد بعيوبه و مميازته لان اكيد انا عندى عيوبى انا كمان و مميزاتى و ان الواحد يبقى هادى و رحيم باللى حواليه

كنت دايما اقول فى صح و فى غلط

الصح اقوله انت صح و الغلط اقوله انت غلط كده على طول .

الكلام دا مش صح

الصح اقوله انت صح و الغلط اقوله باسلوب كويس ان فى غلط حصل و كنت ممكن تعمل كذا طب حاول . يعنى انصحه باسلوب كويس
مش اقوله انت غلط و ازاى تعمل كده و مكنش ينفع فى وشه كده . طب ما هو عمره ما ها يسمع لى تانى .

و ربنا رزقنى بأخ ادانى كتاب جميل و رائع و هو بيدهونى قالى ان هو قراه ثلاث مرات و مزهقش منه انا كمان و صلت لنصه و عايز
اقولكم على اللى استفدت منه بخصوص الموضوع اللى بكلمكم فيه ده

الكتاب ده اسمه :

كيف تكسب الاصدقاء و تؤثر فى الناس
للمؤلف : ديل كارنيجى

بيقول ان هناك

ست طرق لكى تحبب الناس اليك

الأولى : اذا اردت ان تحبب الناس اليك . فاظهر اهتمامك بالناس

الثانية : اذا اردت ان يحبك الناس ..ابتسم

الثالثة : اذا اردت ان يحبك الناس . اذكر ان اسم الرجل هو احب و اجمل الاسماء اليه

الرابعة : اذا اردت ان يحبك الناس . كن مستمعا طيبا و شجع محدثك على الكلام

الخامسة : اذا اردت ان يحبك الناس .تكلم فيما يسر محدثك و يلذ به

السادسة : اذا كنت تريد ان يحبك الناس .اسبغ التقدير على الشخص الاخر و اجعله يشعر بأهميته


و هناك كثير من المواقف فى الكتاب مذكورة على هذه القواعد لم استطيع نقلها لكم
لكن كل اللى اقدر اقوله

ان الكتاب ده جامد و ياريت كل واحد يشتريه و يقراه هايفيده جدا جدا
انا مش بعمل دعاية للكتاب لكن فعلا الكتاب ده اعتقد انه ممكن يغير حاجات كتيرفينا بس لو نزلنا بالكلام ده للواقع العملى و التطبيق والاحتكاك

و فى الاخر عايز اقولكم نصيحة

حب الناس و ما تسألش ليه





و جزاكم الله خيرا